Takmarkanir á farangri

Hert eftirlit í Leifsstöð og nýjar reglur um handfarangur

Öryggiseftirlit í Leifsstöð var endurmetið í samráði við flugmálastjórn og hagsmunaaðila 14. ágúst 2006. Frá og með 15. ágúst 2006 verða flugfarþegar að gera ráð fyrir að vopnaeftirlit og annað eftirlit taki lengri tíma en áður.

Mælst er til að farþegar komi í Flugstöð Leifs Eiríkssonar eigi síðar en tveimur tímum fyrir brottför.

Þeir sem eru á leið til Bandaríkjanna þurfa að undirgangast aukið eftirlit, sem felur meðal annars að fólk fær ekki afhenta drykki sem það kaupir í flugstöðinni fyrr en við brottfararhlið. Fólk sem ferðast með ungabörn má þó taka með sér mat og mjólk fyrir börnin, þeir sem þurfa á lífsnauðsynlegum lyfjum að halda mega taka þau með í handfarangri.

Mælst er til að farþegar taki eins lítinn handfarangur með sér og kostur er, taki fartölvur og önnur rafmangstæki úr handfarangri áður en farið er í gegnum vopnaleit. Taki alla málmhluti af sér og úr vösum, og setji í þar tilgerða bakka áður en gengið er í gegnum málmleitarhliðið.

Farþegar á leið til Bretlands og Bandaríkjanna mega ekki taka með í handfarangri vökva, krem, eða úðabrúsa nema umbúðirnar (flöskur, túpur) séu minni en 90 ml (3 oz.) og séu í glærum, lokanlegum plastpoka sem er minni en 1 lítri. Lyf eru undanþegin banninu. Allan annan vökva má flytja í lestarfarangri og mælst er til þess að allur vökvi sé settur í lestarfarangur til að flýta fyrir vopnaleit.

Nánari upplýsingar um takmarkanir á handfarangri til og frá Bandaríkjunum má finna á www.tsa.gov.

Vegna aukinna öryggisráðstafana í flugumferð viljum við vekja athygli á eftirfarandi breytingum:

• Handfarangur og/eða aðrir hlutir sem farþegar hafa með sér um borð mega ekki innihalda beitta hluti af nokkurri blaðlengd eða gerð, hvort sem um er að ræða málmhluti eða úr öðru efni né hvers kyns aðra hluti sem nota má sem vopn. Dæmi um slíka hluti: Rakhnífar, naglaþjalir, skæri, dúkahnífar, ísnálar eða annars konar hlutir með beitta egg eða beittan odd. Nálar og sprautur eru undanþegnar þessum kvöðum ef farþeginn hefur einnig í fórum sínum lyf með merkingu sem áprentuð er af fagaðilum, þar sem fram kemur nafn framleiðanda eða lyfjafræðileg merking.
• Þú gætir þurft að gefa sýnishorn af notkun raftækja eins og farsíma eða fartölva þegar farið er í gegnum öryggisvörslu á flugvöllum.
• Gefðu þér nægan tíma fyrir flugið til að skoðun geti farið fram. Við mælum með að farþegar mæti til innritunar ekki síðar en 2 klst. fyrir brottför þegar ferðast er frá Evrópu og 3 klst. fyrir brottför þegar ferðast er frá Bandaríkjunum í millilandaflugi.
• Búið er að afnema innritun við gangstéttarbrún. Einnig hafa símainnritanir verið afnumdar fyrir farþega sem ferðast frá Íslandi.

Bannaður varningur

Farangur sem farþegi flytur með sér má aðeins innihalda hluti sem nauðsynlegir eru til að klæðast, til notkunar eða þæginda á ferðalaginu. Af öryggisástæðum má ekki hafa hluti eins og þá sem taldir eru upp hér að neðan í farangri farþega nema fyrirfram sé fengið samþykki hjá Icelandair.

• Sprengiefni, eins og skotfæri, flugelda og blys.
• Úðaefni sem innihalda lakk, leysiefni og hreinsiefni.
• Ertandi efni.
• Þjappaðar lofttegundir (djúpfrystar, eldfimar, ekki eldfimar eða eitraðar), eins og bútan, súrefni, própan, fljótandi köfnunarefni á kútum.
• Ætandi efni, eins og sýrur, basa, vökvarafhlöður og kvikasilfur.
• Eldfima vökva og föst efni, eins og ELDSPÝTUR, aseton (naglalakkseyði), málningu, þynni, kveikjara, kveikjarabensín, spíra til hreinsunar, vaxeldspýtur og eldspýtnabréf (hver farþegi má hafa á sér eldspýtur).
• Segulmögnuð efni.
• Oxandi efni, eins og bleikiduft, nítröt og peroxíð.
• Eitruð og smitandi efni, eins og arsen, blásýrusölt, sumt skordýraeitur, illgresisefni og lifandi veiruefni.
• Geislavirk efni.
• Skjalatöskur með innbyggðum þjófavarnarbúnaði sem innihalda lithium-rafhlöður og/eða sprengibúnað.
• Bannað er að hafa árásarvopn í farþegarýminu, eins og skotvopn eða önnur vopn.

Frágangur og merkingar

Öllum farangri sem á að innrita skal ganga vel frá í ferðatösku eða samsvarandi umbúðum til þess að tryggja öruggan flutning við venjulega meðhöndlun farangurs. Umbúðirnar verða að vera nægilega harðar og sterkar til að þola álag við venjulega farangurshleðslu.

Icelandair getur ekki tekið ábyrgð á verðmætum, brothættum eða viðkvæmum hlutum svo ráðlagt er að pakka ekki slíkum hlutum í innritaðan farangur. Dæmi um slíka hluti eru:

• ferðaskjöl
• læknisvottorð / sjúkraskjöl
• röntgenmyndir
• peningar
• skartgripir
• samningar
• verðbréf
• viðskiptaskjöl
• brothættir eða viðkvæmir hlutir
• lyklar
• raftæki
• málmar og silfurbúnaður
• verðmætir hlutir
• lyf
• vegabréf og önnur auðkenningarskjöl eða -sýni

Fjarlægið eldri merkimiða frá fyrri ferðum. Merkja verður greinilega hvern hluta farangursins með nafni farþega og heimilisfangi á áfangastað bæði að innan og utan. Ekki verður tekið við ómerktum farangri.

Aðrar gerðir farangurs

Ef ferðast er með búnað til seglbrettasiglinga, brimbretti, stangarstökksstangir, hljóðfæri eða hvers kyns aðra hluti sem þarfnast sérmeðferðar skal hafa samband við Icelandair. Alla slíka hluti verður að bóka með fyrirvara og þeir geta ekki flokkast undir farangursheimild farþega. Til að bóka flutning á öðrum farangri sem þarfnast sérmeðferðar eða til að spyrja hvort bóka þurfi annan farangur með fyrirvara skaltu hafa samband við næstu söluskrifstofu Icelandair.

Nálgist upplýsingar um íþróttabúnað hér.